„Þegar Alfreð kom inn á markaðinn árið 2013 var það nýjung á íslenskum markaði fyrir atvinnuauglýsingar,” segir Anna Katrín Halldórsdóttir, framkvæmdastjóri Alfreðs ehf.
„Þetta var fyrsta app sinnar tegundar og ólíkt fornum keppinautum sínum stólaði Alfreð ekki á birtingar í fjölmiðlum. Með þessari sérstöðu ávann Alfreð sér miklar vinsældir hjá fólki í atvinnuleit og fyrirtækjum í leit að starfsfólki.”
Anna Katrín segir að núorðið sé nafnið Alfreð nánast notað eins og samheiti fyrir atvinnuleit í íslensku máli
Það segir sitt um mikilvægi þessa sprotafyrirtækis, sem er síungt og rótgróið í senn. Eftir rúmlega tíu ára starf er hreinlega erfitt að sjá fyrir sér íslenskt atvinnulíf án þeirra lausna sem Alfreð hefur að bjóða.” Nýjar áskoranir á hverjum degi Anna Katrín hefur stýrt fyrirtækinu í rúmlega tvö ár og segir enga tvo daga eins. „Alfreð er lifandi og skemmtilegur vinnustaður, þar sem nýjar áskoranir mæta starfsfólki á hverjum degi. Atvinnumarkaðurinn kallar á skjót viðbrögð þegar þörfin kallar og hefur Alfreð lagt sig fram við að bregðast við breytingum í atvinnulífinu. Við erum leiðandi á okkar sviði á Íslandi og meðvituð um þá ábyrgð sem því fylgir,“ segir Anna Katrín. Hún bendir á að það séu fágæt gæði fyrir heila þjóð að geta skoðað megnið af tækifærum til atvinnu á einum stað.
„Við lítum á það sem skyldu okkar að viðhalda þessum gæðum og auka við það hagræði, sem Alfreð hefur fært íslensku atvinnulífi.“
Spurð út í rekstur Alfreðs á síðasta ári kveðst Anna Katrín ánægð með útkomuna. „Fjöldi notenda, bæði fólks og fyrirtækja, helst í hendur við eftirspurn eftir vinnuafli og framkvæmdagleði í samfélaginu.
Fjöldi notenda, bæði atvinnuleitenda og fyrirtækja, hefur aukist stöðugt síðustu ár. Við náðum að stýra rekstrinum örugglega í gegnum ólgusjó heimsfaraldurs og höfum að vissu marki notið góðs af þeim uppgangi sem fylgdi í kjölfarið.
Undanfarin ár hafa fært okkur aukið svigrúm til að betrumbæta þjónustuna og þróa nýjar lausnir. Við erum sífellt að finna upp á einhverju nýju, þróa og betrumbæta.
Upp á síðkastið höfum við lagt mikla vinnu í að straumlínulaga þjónustu okkar og kerfi til að auðvelda sérleyfishöfum Alfreðs að fóta sig á erlendum markaðssvæðum. Alfreð er í Tékklandi, á Möltu og í Færeyjum og við sjáum fram á að fjölga í hópi sérleyfishafa á næstunni,“ segir Anna Katrín.
Nánar er fjallað um málið í blaðinu Fyrirmyndarfyrirtæki í rekstri, sem fylgir Viðskiptablaðinu. Blaðið er opið öllum og hægt er að skoða það hér.