Breski milljarðamæringurinn Sir Christopher Hohn mun greiða sér út 276 milljóna punda arð í ár sem samsvarar rúmlega 48 milljörðum íslenskra króna.
Hohn er vogunarstjóri TCI fjárfestingasjóðsins sem Rishi Sunak forsætisráðherra Bretlands vann meðal annars hjá á árunum 2006 til 2009.
Arðgreiðsla Hohn nemur um 1,1 milljónum punda fyrir hvern unninn dag sem samsvarar ríflega 193 milljónum króna.
Breski milljarðamæringurinn Sir Christopher Hohn mun greiða sér út 276 milljóna punda arð í ár sem samsvarar rúmlega 48 milljörðum íslenskra króna.
Hohn er vogunarstjóri TCI fjárfestingasjóðsins sem Rishi Sunak forsætisráðherra Bretlands vann meðal annars hjá á árunum 2006 til 2009.
Arðgreiðsla Hohn nemur um 1,1 milljónum punda fyrir hvern unninn dag sem samsvarar ríflega 193 milljónum króna.
Sonur bifvélavirkja frá Jamaíka
Arðgreiðslan er þó lægri í ár en í fyrra en hagnaður fjárfestingasjóðs Hohn dróst saman um 48% milli ára.
Samkvæmt viðskiptablaði The Guardian er talið að arðgreiðslan í ár fari að mestu beint inn í góðgerðarfélag Hohn, Children‘s Investment Fund Foundation, sem vinnur að því að bæta stöðu bágstaddra barna víða um heim.
Hohn, sem er metinn á 6,2 milljarða Bandaríkjadali, er sonur bifvélavirkja frá Jamaíku sem kom til Bretlands á sjöunda áratugnum. Hann stofnaði TCI fjárfestingasjóðinn árið 2003.
Gaf 132 milljarða til góðgerðamála 2021
Hohn 405 ríkasti maður í heimi en í frétt The Guardian er greint frá því að hann gæti verið mun ofar á þeim lista ef hann gæfi ekki ítrekað meirihluta af hagnaði sínum til góðgerðarmála á hverju ári.
Í maí á þessu ári sagði Sunday Times Hohn vera „örlátasta mann Bretlands“ eftir að það var greint frá því að hann hafi gefið góðgerðarsamtökum 755 milljónir punda árið 2021, sem samsvarar um 132 milljörðum króna á gengi dagsins.
Framlög Hohn til góðgerðarmála lækkuðu þó töluvert í fyrra er hann gaf 309 milljón pund til góðgerðarmála en lækkunin er í samræmi við lækkun á virði eignasafns TCI sem fór úr 5,9 milljörðum punda í 5 milljarða.