Að öllu óbreyttu mun Alþingi innleiða tilskipun ESB 2022/2464 um sjálfbærniupplýsingar fyrirtækja (CSRD) í haust. Þó að reglugerðin taki bara til stærri fyrirtækja verða líklegast afleidd áhrif á minni fyrirtæki sem þurfa að skila upplýsingum til þeirra.
Um er að ræða meiri sjálfbærnisregluverk frá Evrópusambandinu en CSRD reglugerðin skikkar fyrirtæki til að veita með heildstæðum hætti upplýsingar um árangur á sviði sjálfbærni, óefnislega virðisþætti og hvernig viðskiptamódel er háð þessum þáttum, byggt á stöðlum European Sustainability Reporting Standards eða ESRS, sem gefnir hafa verið út af EFRAG, European Financial Reporting Advisory Group.
Upplýsingarnar skulu ná til allrar virðiskeðju (ekki bara aðfangakeðju) viðkomandi fyrirtækis.
Frumvarp um reglugerðina hefur ekki verið birt í samráðsgátt en samkvæmt sérfræðingum í reikningsskilum og sjálfbærni sem Viðskiptablaðið hafði samband við þurfa íslensk fyrirtæki líklegast að skila þessum upplýsingum fyrr en á fjárhagsárinu 2025.
Reglugerðin mun hafa áhrif á minni fyrirtæki því þau þurfa að veita upplýsingar um virðiskeðjuna til stærri fyrirtækja en ekki ólíklegt að lánskjör þeirra geta versnað ef þau ná ekki skila sjálfbærniupplýsingum.
Áskrifendur geta lesið umfjöllun Viðskiptablaðsins nýju reglugerðina hér ásamt viðtali við Gunnar S. Magnússon, meðeigandi og yfirmaður sjálfbærniráðgjafar Deloitte
