Skatturinn hefur birt tilkynningu á heimasíðu sinni vegna umræðu um viðbótarlaun sem starfsmenn embættisins geta unnið sér inn. Í umræddum stofnanasamningum Skattsins og stéttarfélaga innan BHM er ákvæði um að sú fjárhæð sem varið er í viðbótarlaun nemur 2% af launum allra BHM starfsmanna hjá Skattinum.
Skatturinn hefur birt tilkynningu á heimasíðu sinni vegna umræðu um viðbótarlaun sem starfsmenn embættisins geta unnið sér inn. Í umræddum stofnanasamningum Skattsins og stéttarfélaga innan BHM er ákvæði um að sú fjárhæð sem varið er í viðbótarlaun nemur 2% af launum allra BHM starfsmanna hjá Skattinum.
Skatturinn segir að framkvæmdin taki mið af reglum fjármála- og efnahagsráðuneytisins um greiðslu viðbótarlauna til almennra starfsmanna ríkisins.
Þá er bent á að kerfið, sem byggt hefur verið á síðastliðin níu ár, eigi uppruna sinn í bókun 2 í samkomulagi um framlengingu og breytingar á kjarasamningi BHM, frá 28. maí 2014 við ríkið. Nánari útfærsla hefur átt sér stað í stofnanasamningum Skattsins og viðkomandi stéttarfélaga innan BHM.
Fjórðungur fær viðbótarlaun
Starfseiningar Skattsins eru tíu talsins og á hverju sex mánaða tímabili fá 25% BHM starfsmanna, þ.e. háskólamenntaðra starfsmanna, í hverri þeirra viðbótarlaun. Á hverju matstímabili er fjárhæðin sú sama hjá hverjum og einum.
„Samkvæmt þessu kerfi eru 75% BHM starfsmanna hverju sinni sem hljóta ekki viðbótarlaun,“ segir í tilkynningu Skattsins.
Endurálagning meðal starfsþátta sem horft er til
Skatturinn telur upp eftirfarandi þætti sem koma til skoðunar við mat á frammistöðu starfsmanna.
- Tímabundin viðbótarverkefni eða ábyrgð
- Sveigjanleiki í vinnufyrirkomulagi og umfangi starfs
- Framúrskarandi frammistaða eða afköst
- Álag vegna afleysinga vegna mikilla fjarvista annarra
„Mat á frammistöðu starfsmanns byggir þannig á heildarskoðun þessara þátta á viðkomandi tímabili. Það tekur jafnt til allra BHM starfsmanna og til allra starfsþátta hjá stofnuninni, svo sem álagningarvinnu, endurálagningar, endurgreiðslna, innheimtu, hugbúnaðarúrlausna og margskonar þjónustu við viðskiptavini.“
