Skel fjárfestingarfélag og Sjávarsýn, fjárfestingarfélag Bjarna Ármannssonar, stækkuðu bæði við hlut sinn í Vátryggingafélagi Íslands (VÍS) í síðasta mánuði, samkvæmt uppfærðum hluthafalista.
Skel bætti við sig 3 milljónum hluta, eða 0,17% hlut, sem ætla má að hafi kostað um 52,7 milljónir króna miðað við meðalgengi bréfa VÍS í síðasta mánuði. Skel er næst stærsti hluthafi VÍS með 8,9% hlut sem er um 2,65 milljarðar að markaðsvirði.
Tilkynnt var í apríl 2022 um að Skel hefði eignast 7,3% hlut í VÍS. Skel bætti við sig 1,4% hlut á þriðja ársfjórðungi og fór með um 8,7% hlut í lok september sl.
Sjávarsýn, þriðji stærsti hluthafi VÍS, bætti við sig um 0,07% hlut í desember fyrir um 21,6 milljónir króna miðað við meðalgengi félagsins í mánuðinum. Sjávarsýn á nú 7,5% hlut í VÍS sem er um 2,24 milljarðar að markaðsvirði. Sjávarsýn átti 5,0% hlut í VÍS í árslok 2021 og bætti því alls við sig 2,5% hlut í fyrra.
Einungis Gildi fer með stærri hlut í VÍS heldur en Skel og Sjávarsýn. Lífeyrissjóðurinn á 8,95% hlut sem er um 2,66 milljarðar að markaðsvirði.
Stærstu hluthafar VÍS 31. des 2022
| Í % |
| 8,95% |
| 8,91% |
| 7,53% |
| 7,30% |
| 7,17% |
| 6,50% |
| 4,31% |
| 3,69% |
| 3,44% |
| 2,61% |
| 2,14% |
| 1,90% |
| 1,87% |
| 1,68% |
| 1,66% |
| 1,35% |
| 1,21% |
| 1,13% |
| 1,10% |
| 1,07% |
Leiðrétt: Í upphaflegu útgáfu fréttarinnar kom fram að Skel hefði bætt við sig 52,7 milljónum hluta í VÍS í desember. Hið rétta er að Skel bætti við sig 3 milljónum hluta.
