Samkvæmt verðmati sem Kvika banki vann að beiðni SKEL fjárfestingafélags nam virði eigin fjár félagsins 39,3 milljörðum króna í lok síðasta árs.
Á sama tíma nam markaðsvirði SKEL í Kauphöllinni 29,3 milljörðum króna. Mismunur verðmatanna og markaðsvirðis var því um 10 milljarðar.
Samkvæmt verðmati sem Kvika banki vann að beiðni SKEL fjárfestingafélags nam virði eigin fjár félagsins 39,3 milljörðum króna í lok síðasta árs.
Á sama tíma nam markaðsvirði SKEL í Kauphöllinni 29,3 milljörðum króna. Mismunur verðmatanna og markaðsvirðis var því um 10 milljarðar.
Þá nam bókfært virði eigin fjár 37,6 milljörðum í lok síðasta árs. Þar af leiðandi var V/I hlutfall félagsins 0,78 í lok síðasta árs.
V/I hlutfall ber saman markaðsvirði hlutabréfa félagsins og bókfært virði eigin fjár samkvæmt efnahagsreikningi. Ef hlutfallið er lægra en 1 er það vísbending um það að fjárfestar telja félagið ofmetið í bókhaldi.
Þar sem hlutfallið hjá SKEL er 0,78 kann það að benda til að markaðurinn meti eignir félagsins á lægra verði en í bókhaldinu.
Nánar er fjallað um málið í Viðskiptablaðinu sem kom út sl. miðvikudag, 14. febrúar.
