Eignarhaldsfélagið Perla Norðursins hagnaðist um 28,6 milljónir króna árið 2022 en árið áður nam tap 61,9 milljónum. Þetta er í fyrsta sinn sem samstæðan skilar hagnaði frá því að félagið var stofnað árið 2016.

Starfsemi móðurfélagsins felst í rekstri og uppsetningu á sýningum tengdum íslenskri náttúru en dótturfélög eru Perla Norðursins, Ævintýraland Perlunnar og Perlan veitingahús. Dótturfélögin ein og sér höfðu áður skilað hagnaði árið 2021.