Ný stjórn hjá Landsneti var kjörin á aðalfundi ríkisfyrirtækisins á föstudaginn síðasta, 28. mars. Allir fimm sitjandi stjórnarmenn láta af störfum og fimm einstaklingar koma nýir inn í stjórnina.
Stjórn Landsnet var valin á grunni nýs verklags um val á einstaklingum til stjórnarsetu í fyrirtækjum sem eiga að tryggja að tilnefndir stjórnarmenn veljist á grundvelli hæfni, menntunar eða reynslu. Þar er líka kveðið á um að stjórnarmenn skulu vera óháðir fyrirtækinu og stjórnendum þess, séu hvorki starfsmenn fyrirtækisins né kjörnir fulltrúar á Alþingi eða í sveitarstjórnum.
Nýja stjórn skipa þau:
- Haraldur Flosi Tryggvason Klein formaður
- Harpa Þuríður Böðvarsdóttir
- Kristján Arinbjarnar
- Stefán Pétursson
- Ruth Elfarsdóttir
Varamenn voru kosin þau:
- Ásta Sóllilja Guðmundsdóttir
- Einar Þorsteinsson.
„Ný stjórn Landsnets tekur við á tímum orkuskipta og áframhaldandi uppbyggingar nýrrar kynslóðar byggðalínu sem eru meðal brýnustu samfélagsverkefna þjóðarinnar og því spennandi áskorun fyrir nýtt stjórnarfólk að takast á við,“ segir Haraldur Flosi, stjórnarformaður Landsnets.
Fráfarandi stjórn var skipuð eftirfarandi einstaklingum:
- Sigrún Björk Jakobsdóttir, formaður
- Álfheiður Eymarsdóttir
- Birkir Jón Jónsson
- Elín Björk Jónasdóttir
- Friðrik Fraser
