Samkvæmt árshlutauppgjöri sveitarfélagsins Árborgar nema skuldir A og B hluta 29,7 milljörðum króna þar af nema skuldir A – hluta 29,2 milljörðum króna.
Sé skuldum deilt á íbúa Árborgar eru þær um 2,5 milljónir króna á hvern íbúa en þær hafa aukist um 140% frá árinu 2010.
Stærstur hluti skulda sveitarfélagsins eru langtímaskuldir við lánastofnanir en þær nema um 18,2 milljörðum króna. Skammtímaskuldir sveitarfélagsins eru um 8,1 milljarðar króna.
Samkvæmt árshlutauppgjöri sveitarfélagsins Árborgar nema skuldir A og B hluta 29,7 milljörðum króna þar af nema skuldir A – hluta 29,2 milljörðum króna.
Sé skuldum deilt á íbúa Árborgar eru þær um 2,5 milljónir króna á hvern íbúa en þær hafa aukist um 140% frá árinu 2010.
Stærstur hluti skulda sveitarfélagsins eru langtímaskuldir við lánastofnanir en þær nema um 18,2 milljörðum króna. Skammtímaskuldir sveitarfélagsins eru um 8,1 milljarðar króna.
Sveitarfélagið hefur verið að vinna að erfiðum hagræðingaraðgerðum síðastliðna mánuði til að reyna snúa rekstrinum við. Á árunum 2016-2021 fjölgaði íbúum um 27,4% og hafa útgjöld til þjónustu við íbúa einnig vaxið ört.
Fjölgaði stöðugildum hjá sveitarfélaginu við grunnþjónustu hraðar en sem nemur fólksfjölgun.
Viðsnúningur í rekstri en efnahagsumhverfi óhagstætt
Rekstrarniðurstaða fyrir afskriftir og fjármagnsliði á fyrstu sex mánuðum 2023 er jákvæð um 595 milljónir, fyrir A og B hluta samstæðunnar, samanborið við 437 milljónir allt árið 2022. Þar vinnur saman að tekjur eru meiri en áætlanir gerðu ráð fyrir og rekstrargjöld lægri.
Sveitarfélagið fagnar því í fréttatilkynningu en segir að óhagstætt efnahagsumhverfi hafi töluverð áhrif á rekstrarniðurstöðuna.
„Á móti hafa fjármagnsliðir hækkað mikið og heildarniðurstaða tímabilsins er því neikvæð um 1,3 milljarð á móti 1,25 milljarði í áætlun. Þar vegur þyngst hærri verðbólga en gert var ráð fyrir í fjárhagsáætlun,“ segir á vef Árborgar.
Uppsagnir og launalækkanir
Sveitarfélagið kynnti fyrir íbúum í apríl verkefnið „Brú til betri vegar“ til að reyna snúa rekstrinum við.
Sveitarfélagið Árborg sagði upp ráðningarsamningum við 57 starfsmenn sveitarfélagsins á sama tíma og tilkynnti um 5% launalækkun æðstu stjórnenda, bæjarstjóra og sviðsstjóra. Verkefnið má finna á heimasíðu sveitarfélagsins.
Brú til betri vegar:
- Auka framlegð af rekstri að jafnaði um 500 milljónir króna árlega
- Skuldaviðmið sveitarfélagsins verði komið undir 150% eins og lög kveða á um árið 2028
- Til lengri tíma verði skuldaviðmið Árborgar ekki hærra en 120%
- Launakostnaður Árborgar verði komið í 56% af rekstrartekjum árið 2025 en það er um 60% í dag
- Seldar verða byggingarlóðir og eignir fyrir 800 m. kr. 2023
- Frá árinu 2024 er gert ráð fyrir að seldar verði eignir og byggingarlóðir fyrir 300 m. kr. á ári.
- Fjárfest verði fyrir u. þ. b. 2 - 2,5 ma. kr. til ársins 2025 til að ljúka fjárfestingum við m. a. veitur, og grunnskólann Stekkjarskóla.
- Á árunum 2026 - 2029 verði fjárfestingar Árborgar á bilinu 1,2 - 1,5 ma. kr. á ári.
- Öll verkefni og þjónusta sveitarfélagsins verður endurskoðuð og forgangsraðað með það að markmiði að fjármál Árborgar verði aftur sjálfbær.