S&P hótar að lækka láns­hæfis­mat Ørsted eftir milljarða af­skriftir

Mats­fyrir­tækið Standard & Poors í­hugar að lækka láns­hæfis­mat orku­fyrir­tækisins Ørsted eftir að fyrir­tækið af­skrifaði 28 milljarða danskra króna, sem sam­svarar 559 milljörðum ís­lenskra króna, á mið­viku­daginn.

Ef láns­hæfis­matið lækkar gæti Ørsted, sem er stærsta orku­fyrir­tæki Dan­merkur, verið í vanda statt en fé­lagið er nú þegar nokkuð skuld­sett. Hærri fjármagnskostnaður til fram­tíðar gæti hamlað getu fyrir­tækisins til að gera lang­varandi orku­samninga við birgja.

Mats­fyrir­tækið Standard & Poors í­hugar að lækka láns­hæfis­mat orku­fyrir­tækisins Ørsted eftir að fyrir­tækið af­skrifaði 28 milljarða danskra króna, sem sam­svarar 559 milljörðum ís­lenskra króna, á mið­viku­daginn.

Ef láns­hæfis­matið lækkar gæti Ørsted, sem er stærsta orku­fyrir­tæki Dan­merkur, verið í vanda statt en fé­lagið er nú þegar nokkuð skuld­sett. Hærri fjármagnskostnaður til fram­tíðar gæti hamlað getu fyrir­tækisins til að gera lang­varandi orku­samninga við birgja.

„Við höfum sett Ørsted á nei­kvæðan á­hættu­lista,“ segir í til­kynningu S&P sem mun fylgjast náið með fyrir­tækinu en Bor­sen greinir frá.

Af­skriftir orku­fyrir­tækisins koma í kjöl­farið af því að Ørsted stöðvaði fram­kvæmdir á vind­myllu­verk­efni við strendur New Jer­s­ey ríkis í Banda­ríkjunum.

Sam­kvæmt Reu­ters er Ørested stærsti vind­myllu­fram­leiðandi heims en vegna hárra vaxta og vand­ræða í að­fanga­keðjunni varð fé­lagið að segja skilið við framangreind verk­efni Wind í Bandaríkjunum.

Reu­ters segir að tap fé­lagsins vegna verk­efnanna tveggja sé í kringum 39,4 milljarðar danskra króna sem sam­svarar rúm­lega 788 milljörðum ís­lenskra króna.

Hluta­bréf Ørsted tóku dýfu á mið­viku­daginn og fóru niður um 22%. Dagsloka­gengið var 260 danskar krónur sem er það lægsta í meira en sex ár. Gengið hefur tekið að­eins við sér í dag og hækkað um 5% og stendur þegar þetta er skrifað í 288 dönskum krónum.

Landsvirkjun er í dag með sama lánshæfismat hjá S&P og sænska orkufélagið Vattenfall og Ørsted en öll þrjú félögin eftir að S&P hækkaði lánshæfismat Landsvirkjunnar í júlímánuði.

Landsvirkjun einum flokki ofar en Fortum frá Finnlandi en einum flokki fyrir neðan norsku orkufyrirtækin sem eru í A flokki.