Stjórnendur kvöldspjallþátta voru meðal þeirra sem fögnuðu ákaft í síðustu viku þegar handritshöfundar samþykktu að mæta aftur til vinnu eftir að hafa verið í verkfalli í fimm mánuði.

John Oliver, sem sér um þættina Last Week Tonight, reið á vaðið með nýjum þætti á sunnudagskvöld en hann gagnrýndi kvikmyndaverin og framleiðslufyrirtækin harðlega fyrir að leyfa verkfallinu að standa yfir jafn lengi og það gerði.