Starfsmönnum fjölgar um þriðjung

Hugbúnaðarfyrirtækið Annata skilaði 4,3 milljóna dala hagnaði á síðasta ári, eða sem nemur tæpum 600 milljónum króna miðað við gengi Bandaríkjadals í lok árs 2024.

Tekjur samstæðu Annata jukust lítillega og námu 47 milljónum dala á árinu, sem nemur 6,5 milljörðum króna.

Í skýrslu stjórnar kemur fram að starfsfólki Annata fjölgaði um 35% milli ára og hefur fjölgað um 82% á tveimur árum.

Stjórn félagsins hefur lagt til að greiddur verði arður allt að sex milljónum dala á árinu 2025 til hluthafa, um 775 milljónir miðað við gengi dollar í dag.