Stella Marta Jónsdóttir hefur verið ráðin framkvæmdastjóri Kaffitárs og verður hún staðgengill forstjóra fyrirtækisins, Aðalheiðar Héðinsdóttur, að því er fram kemur í tilkynningu.
Stella Marta starfaði áður sem deildarstjóri ráðgjafar og þjónustu hjá Maritech ehf. en einnig hefur hún starfað við verkfræðiráðgjöf í Danmörku. Hún er menntaður verkfræðingur og útskrifaðist með mastersgráðu frá Háskólanum í Álaborg af vélaverkfræðilínu með sérhæfingu í rekstri í sjávarútvegi.
Lokaverkefni hennar fjallaði um aðferðir og árangur við að innleiða gæðastjórnun, ný upplýsingakerfi og framleiðslustýringu í vinnslufyrirtæki á sviði fullunninna sjávarafurða.
Stella Marta er gift Per Chr. Christensen og eiga þau tvær dætur.
