Ný sjö manna stjórn Íslandsbanka var kjörin á hluthafafundi bankans sem hófst kl. 11 í morgun. Fjórar breytingar verða á stjórninni en Linda Jónsdóttir, Stefán Pétursson, Helga Hlín Hákonardóttir og Haukur Örn Birgisson koma ný inn í stjórnina.
Linda, sem starfar sem framkvæmdastjóri rekstrar og mannauðs hjá Marel, var jafnframt kjörin formaður stjórnar Íslandsbanka.
Ný sjö manna stjórn Íslandsbanka var kjörin á hluthafafundi bankans sem hófst kl. 11 í morgun. Fjórar breytingar verða á stjórninni en Linda Jónsdóttir, Stefán Pétursson, Helga Hlín Hákonardóttir og Haukur Örn Birgisson koma ný inn í stjórnina.
Linda, sem starfar sem framkvæmdastjóri rekstrar og mannauðs hjá Marel, var jafnframt kjörin formaður stjórnar Íslandsbanka.
Af þeirri sjö manna stjórn sem var kjörin á aðalfundi bankans í mars höfðu Finnur Árnason, Guðrún Þorgeirsdóttir og Ari Daníelsson tilkynnt um að þau hygðust ekki gefa kost á sér til áframhaldandi stjórnarsetu fyrir fundinn í dag. Valgerður Skúladóttir, sem tók sæti í stjórninni eftir aðalfundinn náði ekki kjöri á hluthafafundinum í dag.
Eftirfarandi sjö einstaklingar skipa nú stjórn Íslandsbanka eftir stjórnarkjöfið á fundinum, þar sem margfeldiskosning var viðhöfð:
- Agnar Tómas Möller, stjórnarmaður frá mars 2023
- Anna Þórðardóttir, stjórnarmaður frá apríl 2016
- Frosti Ólafsson, stjórnarmaður frá mars 2020
- Haukur Örn Birgisson, nýr í stjórn
- Helga Hlín Hákonardóttir, ný í stjórn
- Linda Jónsdóttir, ný í stjórn
- Stefán Pétursson, nýr í stjórn
Fram kom að hluthafar sem halda á samtals 79,25% eignarhlut í bankanum skráðu sig til þátttöku á fundinum. Það er mesta þátttaka á einum hluthafafundi hjá bankanum frá skráningu hans í Kauphöllina sumarið 2021.
Ellefu einstaklingar buðu sig fram til stjórnar Íslandsbanka á hluthafafundinum. Ásgeir Brynjar Torfason, Elín Jóhannesdóttir, Frosti Sigurjónsson og Valgerður Skúladóttir hlutu ekki kjör í stjórnina.
