Stúdíó Sýrland gekk á dögunum frá kaupum á yfir 2.000 fermetra skrifstofu-lagerhúsnæði að Vatnagörðum 4 fyrir 600 milljónir króna. Seljandi er Ólafur Þorsteinsson ehf., sem er í eigu Guðjóns Björns, Önnu Sigríðar og Stefáns Haraldsbarna.

Frá stofnun hefur Stúdíó Sýrland fest sig í sessi sem eitt fremsta hljóðver landsins en nú mun fyrirtækið bæta við sig tækjaleigu fyrir kvikmyndaframleiðslu.