Ríkisstjórnin kynnti í dag tillögur um frekari stuðning við heimili og fyrirtæki í Grindavík í Hörpu í dag.
Um er að ræða m. a. stuðningslán með ríkisábyrgð til grindvískra fyrirtækja, viðspyrnustyrki ásamt framhaldi launastuðnings og hráefnis- og afurðatryggingum.
Þá verður sérstakur húsnæðisstuðningur við Grindvíkinga framlengdur til áramóta.
Ríkisstjórnin kynnti í dag tillögur um frekari stuðning við heimili og fyrirtæki í Grindavík í Hörpu í dag.
Um er að ræða m. a. stuðningslán með ríkisábyrgð til grindvískra fyrirtækja, viðspyrnustyrki ásamt framhaldi launastuðnings og hráefnis- og afurðatryggingum.
Þá verður sérstakur húsnæðisstuðningur við Grindvíkinga framlengdur til áramóta.
„Rekstraraðilum með starfsstöð í Grindavík verður gert kleift að taka lán hjá lánastofnunum með ábyrgð ríkisins að uppfylltum tilteknum skilyrðum. Markmiðið er að hjálpa rekstrarhæfum fyrirtækjum í Grindavík að viðhalda starfsemi á óvissutímum. Lán af þessu tagi eiga sér fordæmi í stuðningsaðgerðum til fyrirtækja í COVID-19 faraldrinum. Gert er ráð fyrir að fyrirtæki með starfsstöð í Grindavík eigi kost á láni og að fasteign sé ekki skilyrði,” segir á vef stjórnarráðsins.
Frumvarp um stuðningslánin er í vinnslu í fjármála- og efnahagsráðuneytinu. Stefnt er að því að lánveitingar hefjist í haust.
Þá er reiknað með því að leggja fram frumvarp um viðspyrnustyrki á Alþingi í júní en um að ræða framlengingu á tímabundnum rekstrarstuðning til fyrirtækja sem voru með rekstur í Grindavík í nóvember 2023.
Húsnæðis- og launastuðningur verður einnig framlengdur en hægt er að lesa tillögurnar í heild sinni hér.
