Fjarskipta- og fjölmiðlasamsteypa gerir ráð fyrir að heildarumfang skilvirkniverkefna til að bæta reksturinn muni skila félaginu um 600 til 800 milljónum króna á ári og rekstrarhagnaði (EBIT) á bilinu 1,5 til 1,7 milljarði.
Samkvæmt nýbirtri afkomuspá fyrir árið 2024 er gert ráð fyrir að rekstrarhagnaður (EBIT), án nokkurra leiðréttinga vegna einskiptiskostnaðarliða, verði á bilinu 900 milljónir í 1,1 milljarð.
Í Kauphallartilkynningu segir að áhrifanna af hagræðingaraðgerðum félagsins muni að mestu leyti gæta í afkomu ársins 2025.
Fjarskipta- og fjölmiðlasamsteypa gerir ráð fyrir að heildarumfang skilvirkniverkefna til að bæta reksturinn muni skila félaginu um 600 til 800 milljónum króna á ári og rekstrarhagnaði (EBIT) á bilinu 1,5 til 1,7 milljarði.
Samkvæmt nýbirtri afkomuspá fyrir árið 2024 er gert ráð fyrir að rekstrarhagnaður (EBIT), án nokkurra leiðréttinga vegna einskiptiskostnaðarliða, verði á bilinu 900 milljónir í 1,1 milljarð.
Í Kauphallartilkynningu segir að áhrifanna af hagræðingaraðgerðum félagsins muni að mestu leyti gæta í afkomu ársins 2025.
„Þá er ljóst að nýlegur samningur félagsins um sýningarrétt á enska boltanum mun skila félaginu enn frekari ávinningi auk fyrirhugaðrar sölu á tilteknum viðskiptalausnum út úr Endor,“ segir í tilkynningu.
Um er að ræða viðsnúning á stefnu Sýnar en samhliða birtingu ársuppgjörs í febrúar ákvað stjórn að gefa ekki út afkomuspá fyrir yfirstandandi rekstrarár, meðal annars vegna ákveðinnar óvissu um framtíðareignarhald vefmiðla og útvarpsstöðva.
Á stjórnarfundi 19. apríl var þó dregið í land með mögulega sölu fjölmiðlareksturs samsteypunnar „vegna nýrra áherslna í rekstri Sýnar” með tilkomu Herdísar Fjeldsted forstjóra í ársbyrjun.
Fimm dögum síðar sendi félagið frá sér neikvæða afkomuviðvörun þar sem greint var frá því að 138 milljón króna lækkun á farsímatekjum myndi hafa áhrif á afkomu félagsins. Það skýrist sérstaklega af IoT-tekjum ásamt hærri afskriftum sýningarrétta.
Hlutabréfaverð Sýnar hefur frá þeim degi lækkað um 32% sé miðað við dagslokagengi gærdagsins.
Í byrjun maí var greint frá því að Sýn tapaði 153 milljónum króna á fyrsta ársfjórðungi samanborið við 213 milljóna hagnað á sama tímabili í fyrra. Tekjur Sýnar á fyrsta fjórðungi jukust um 1,3% milli ára og námu 5.934 milljónum króna. Framlegð félagsins dróst hins vegar saman um 10,5% milli ára og nam 1.852 milljónum.
Í Kauphallartilkynningu gærkvöldsins segir félagið að það sé þrennt sem þurfi að hafa í huga þegar fyrri helmingur ársins 2024 er borinn saman.
„1) Farsímatekjur voru lægri á 1F 2024 og þá aðallega vegna svokallaðra IoT-tekna líkt og fram kom í síðustu afkomutilkynningu, 2) afskriftir sýningarétta eru hraðari árið 2024 og 3) í rekstrarhagnaði (EBIT) ársins 2023 voru jákvæð áhrif tengd uppgjöri á samningsskuldbindingum við erlendan birgja að fjárhæð 529 m.kr., auk þess sem sjóðstreymi 2023 var lakara um 1.213 m.kr. vegna fyrrgreinds uppgjörs,” segir í tilkynningunni.
Þá greinir Sýn frá því að lokagreiðsla vegna sölu Ljósleiðarans verði greidd í október næstkomandi auk þess sem boðaðar skilvirkniaðgerðir skila sér að fullu í lok ársins.
„Skuldbindingar vegna erlendra efniskaupa annarra en íþróttaefnis hafa lækkað umtalsvert frá fyrra ári, auk þess sem ný forgangsröðun verkefna hefur verið samþykkt í framkvæmdastjórn félagsins. Sjóðsstreymi samstæðunnar mun þar af leiðandi taka töluvert jákvæðum breytingum í lok árs.”
