Bandaríski vogunarsjóðurinn Taconic Capital seldi á mánudaginn 5,2% eignarhlut í Skel fjárfestingarfélagi fyrir liðlega 2 milljarða króna. Þetta kemur fram í flöggunartilkynningu.
Alls seldi Taconic 96,85 milljónir hluta í Skel fyrir 1.995 milljónir króna ef miðað er við 20,6 króna dagslokagengi Skeljar á mánudaginn.
Taconic, sem var fjórði stærsti hluthafi Skeljar, keypti 5% hlut í Skel, sem hét þá Skeljungur, í byrjun árs 2022 þegar íslenskir lífeyrissjóðir, einkum Gildi, seldu stóran hlut í félaginu.
Taconic Capital kom að fjármögnun á skuldsettri yfirtöku fjárfestingafélagsins Strengs, sem Jón Ásgeir Jóhannesson fer fyrir, á meirihluta í Skel. Strengur eignaðist ráðandi hlut í Skel í janúar 2021.
Taconic var stærsti hluthafi Arion banka um tíma en seldi sig út úr bankanum á fyrri hluta árs 2021.
Jón Ásgeir hefur sagt frá því að Skel horfi til þess að fá erlenda fjárfesta að félaginu. Taconic var stærsti erlendi fjárfestirinn í hluthafahópi Skeljar.
Félagið NO.9 Investments Limited er nú stærsti erlendi fjárfestirinn í hluthafahópi Skeljar með 3,1% hlut. Þar á eftir kemur Stefan John Cassar með 0,66% hlut og John Daniel Mccarthy með 0,60% hlut.
Stærstu hluthafar Skeljar 12. febrúar 2025
| Í % |
| 51,6% |
| 8,4% |
| 7,2% |
| 5,2% |
| 3,1% |
| 1,6% |
| 1,3% |
| 1,1% |
| 1,1% |
| 0,8% |
| 0,7% |
| 0,7% |
| 0,7% |
| 0,7% |
| 0,7% |
| 0,6% |
| 0,5% |
| 0,5% |
| 0,5% |
| 0,4% |
