Alvotech áætlar að heildartekjur á öðrum ársfjórðungi verði á bilinu 196 til 201 milljón Bandaríkjadalir eða um 27,1 til 27,8 milljarðar íslenskra króna á gengi dagsins. Heildartekjur félagsins á fyrri helmingi ársins nema því um 233 – 238 milljónum dala, sem er um það bil tíföldun frá sama tímabili í fyrra.
Þetta kemur fram í endurskoðaðri áætlun um rekstrarniðurstöðu annars ársfjórðungs og á fyrri helmingi ársins 2024. Um er að ræða mettekjur á öðrum ársfjórðungi.
Alvotech áætlar að heildartekjur á öðrum ársfjórðungi verði á bilinu 196 til 201 milljón Bandaríkjadalir eða um 27,1 til 27,8 milljarðar íslenskra króna á gengi dagsins. Heildartekjur félagsins á fyrri helmingi ársins nema því um 233 – 238 milljónum dala, sem er um það bil tíföldun frá sama tímabili í fyrra.
Þetta kemur fram í endurskoðaðri áætlun um rekstrarniðurstöðu annars ársfjórðungs og á fyrri helmingi ársins 2024. Um er að ræða mettekjur á öðrum ársfjórðungi.
Alvotech áætlar að tekjur af sölu á hliðstæðunum við Humira og Stelara á alþjóðlegum mörkuðum voru á bilinu 51–54 milljónir dala á öðrum ársfjórðungi. Áætlaðar sölutekjur á fyrri helmingi ársins eru 63–66 milljónir dala, sem er um það bil 180% vöxtur miðað við sama tímabil í fyrra.
„Við erum afar ánægð með þessa áætluðu niðurstöðu annars ársfjórðungs, sem byggir á umtalsverðum vexti bæði í sölu og áfangagreiðslum. Við gerum einnig ráð fyrir metafkomu af rekstri félagsins, með jákvæðri leiðréttri EBITDA framlegð í fyrsta sinn á fjórðungi og árshelmingi. Við búumst við að þessi niðurstaða, og endurfjármögnun félagsins, verði undirstaða vaxtar og jákvæðrar leiðréttrar EBITDA framlegðar á árinu í heild,“ segir Róbert Wessman, stjórnarformaður og forstjóri Alvotech.
Áætlaðar áfangagreiðslur á öðrum ársfjórðungi nema 145–147 milljónum dala eða 169–171 milljón dala á fyrri helmingi ársins, sem er einkum vegna jákvæðrar niðurstöðu úr klínískum rannsóknum og markaðssetningu lyfja á nýjum mörkuðum á öðrum ársfjórðungi.
Alvotech býst við meti í leiðréttri EBITDA framlegð af rekstri félagsins á öðrum ársfjórðungi. Áætluð leiðrétt EBITDA framlegð er á bilinu 98 – 103 milljónir dala á öðrum ársfjórðungi, eða á bilinu 60 – 65 milljónir dala á fyrri helmingi ársins, samanborið við neikvæða 178 milljóna dala leiðrétta EBITDA framlegð á fyrri helmingi síðasta árs.