Hlutafjárútboði Hampiðjunnar, þar sem félagið hyggst sækja a.m.k. 10 milljarða króna að gefinni fullri áskrift, lýkur kl. 14 á morgun. Markaðsaðilar sem Viðskiptablaðið ræddi við í dag og gær eiga von á að eftirspurnin í útboðinu verði nokkuð sterk.

Verð á hlut í áskriftarbók A, þ.e. fyrir tilboð undir 20 milljónir króna, er 120 krónur sem jafngildir 14% afslætti á vegið meðalverð hlutabréfa Hampiðjunnar mánuðinn áður en útboðið hófst. Þá er lágmarksverð í tilboðsbók B, fyrir tilboð yfir 20 milljónir króna, einnig 120 krónur.