Lögmaður Skúla Gunnars Sigfússonar, athafnamanns sem á m.a. Subway á Íslandi, hefur gert kröfu á hendur Sveini Andra Sveinssyni hr. um greiðslu á því sem út af stóð af kröfum félaga í eigu Skúla Gunnars við gjaldþrotaskipti félags hans EK1923 ehf. Greint var frá þessu í Morgunblaðinu.
Lögmaðurinn hefur sent öðrum kröfuhöfum bréf og boðið þeim að taka þátt í málarekstri gegn Sveini Andra.
Lögmaður Skúla Gunnars Sigfússonar, athafnamanns sem á m.a. Subway á Íslandi, hefur gert kröfu á hendur Sveini Andra Sveinssyni hr. um greiðslu á því sem út af stóð af kröfum félaga í eigu Skúla Gunnars við gjaldþrotaskipti félags hans EK1923 ehf. Greint var frá þessu í Morgunblaðinu.
Lögmaðurinn hefur sent öðrum kröfuhöfum bréf og boðið þeim að taka þátt í málarekstri gegn Sveini Andra.
Þóknun Sveins Andra langt umfram það sem teljist hóflegt
Skúli Gunnar fór fram á að dómkvaddur matsmaður tæki út störf skiptastjóra búsins. Lögmaður Skúla Gunnars telur að hægt hefði verið að gera upp skuldir búsins og skila því til fyrri eigenda.
Dómkvaddur matsmaður hefur nú nú ályktað að Sveinn Andri hafi, sem skiptastjóri þrotabúsins, skrifað á sig of margar vinnustundir við slit á búinu auk þess að hafa innheimt of hátt tímagjald.
Kostnaður við skipti félagsins nam tæplega 200 milljónum króna en þóknun til Sveins Andra nam um 170 milljónum króna.
Í matsgerð sem matsmaður skilaði í júní síðastliðnum segir að hæfileg þóknun til skiptastjóra hefði átt að nema á bilinu 74-87 milljónum króna. Þá hefði fjöldi vinnustunda átt að vera á bilinu 1.600-1.900, en samtals voru um 3.450 vinnustundir skráðar við slit á bilinu.