Afhendingar nýrra bíla frá Tesla drógust verulega saman fyrstu þrjá mánuði ársins samkvæmt fréttamiðlinum BBC. Rafbílaframleiðandinn hefur þurft að glíma við eldsvoða í verksmiðju sinni, röskun á skipaflutningum og aðrar áskoranir.
Fyrirtækið afhenti tæplega 387.000 rafbíla en það Tesla hefur ekki afhent færri bíla á einum ársfjórðungi í heilt ár.
Hlutabréf Tesla lækkuðu um 4% í kjölfar þessara fregna en afhendingar eru 8% færri en þær voru á sama tíma í fyrra og mun minni en sérfræðingar gerðu ráð fyrir.
Tesla hefur glímt við mikla samkeppni frá kínverskum framleiðendum eins og BYD. Árásir Húta í Rauðahafinu hafa einnig ollið birgðatruflunum sem varð til þess að fyrirtækið þurfti að loka verksmiðju sinni í Þýskalandi tímabundið en sú verksmiðja varð einnig fyrir barðinu á eldsvoða.
Fyrirtækið segir einnig að framleiðsla á fyrsta ársfjórðungi þessa árs hafi minnkað um 1,6% milli ára, eða úr 439.701 nýrra bíla niður í 433.371.
