Málm­leitar­fé­lagið Amaroq Minerals, sem heldur á rannsóknar- og vinnsluheimildum á Grænlandi, birti í vikunni fyrsta árs­hluta­upp­gjör sitt eftir skráningu á aðal­markað en þar kemur fram að fé­lagið hefur gengið frá 51 milljónar dala fjár­mögnun til að hefja vinnslu í Nalunaq-gull­námunni á Suður-Grænlandi.

Til­rauna­boranir í sex bor­holum í Nalunaq skiluðu ný­verið hæsta gull­magni í sögu fé­lagsins en fé­lagið fann meðal annars nýja gull­æð sem er með 256 grömm af gulli í hverju tonni.

Sam­kvæmt því sem Við­skipta­blaðið kemst næst telst þetta gríðar­lega mikið magn af gulli per tonn þrátt fyrir að um sé að ræða neðan­jarðar­námu þar sem gull­styrkurinn er oft hærri en kostnaðurinn við að sækja gullið meiri.