Íbúar á Djúpavogi voru 412 talsins í byrjun árs 2024 en í ár mun bærinn taka á móti 95 þúsund ferðamönnum skemmtiferðaskipa. Fyrir utan þau 69 skemmtiferðaskip sem koma þar í land mætir einnig mikill fjöldi rúta og jeppa með ferðamenn.

Birkir Helgason, stofnandi og eigandi Hafsins Bistro á Djúpavogi, gerir sér fulla grein fyrir þessum tölum og nýtur þess að elda ofan í bæði gesti og heimamenn á þessum nýja veitingastað bæjarins.