Árni Sigurðsson, forstjóri Marels, bindur miklar vonir við nýja lausn fyrirtækisins í kjúklingavinnslu en Marel fékk nýverið einkaleyfi á lausninni í Bandaríkjunum.
Um er að ræða lausn sem Marel þróaði með bandaríska fyrirtækinu Bell & Evans og ber heitið LineSplit.
Einkaleyfi á lausninni hefur verið samþykkt vestanhafs og því geta samkeppnisaðilar ekki boðið fram sambærilega lausn í bráð. Samkvæmt fjárfestakynningu Marels gerir lausnin viðskiptavinum kleift að kljúfa framleiðslulínuna og vinna allt að 250 kjúklinga á hverri mínútu, eða sem nemur 15.000 kjúklinga á klukkutíma.
Árni Sigurðsson, forstjóri Marels, bindur miklar vonir við nýja lausn fyrirtækisins í kjúklingavinnslu en Marel fékk nýverið einkaleyfi á lausninni í Bandaríkjunum.
Um er að ræða lausn sem Marel þróaði með bandaríska fyrirtækinu Bell & Evans og ber heitið LineSplit.
Einkaleyfi á lausninni hefur verið samþykkt vestanhafs og því geta samkeppnisaðilar ekki boðið fram sambærilega lausn í bráð. Samkvæmt fjárfestakynningu Marels gerir lausnin viðskiptavinum kleift að kljúfa framleiðslulínuna og vinna allt að 250 kjúklinga á hverri mínútu, eða sem nemur 15.000 kjúklinga á klukkutíma.
Hámarkshraði á framleiðslulínu fyrir kjúkling í Bandaríkjunum er 140 kjúklingar á mínútu, samkvæmt reglugerðum vestanhafs. Lausn Bell & Evans og Marels klýfur þó framleiðslulínuna þannig að unnið er með tvöfalda línu á 125 kjúklinga á mínútu hraða, sem eykur afköst umtalsvert. Marel kynnti lausnina á ráðstefnu í Atlanta í byrjun árs og segir Árni að lausnin gæti umbylt kjúklingaframleiðslu í Bandaríkjunum.
„Þetta gerir viðskiptavinum okkar kleift að auka hraðann á línunni í kjúklingi en Marel er með einkaleyfi á lausninni og enginn samkeppnisaðili getur boðið upp á sambærilega lausn. Við erum að ná að auka hraðann um 50-100%, fer eftir verksmiðjum, og auka þannig afköstin töluvert. En þetta er lykilstef í samtölum við viðskiptavini okkar, það eru allir að leita leiða til að auka afköst og ná fram hagræðingu í rekstri og ekki síst skila vöru í hærri gæðaflokki sem var framleidd með sjálfbærum hætti og geta verðlagt hana eftir því,“ segir Árni.
Árni segir lausnina eiga möguleika á að umbylta markaðnum í Bandaríkjunum, sem er alltaf að verða stærri hluti af tekjum Marels, en um 30% af allri sölu félagsins koma þaðan núna.
„Við teljum að það séu mjög mikil tækifæri í að umbylta kjúklingavinnslu með þessari tækni,“ segir Árni.