Tólf frambjóðendur hafa boðið sig fram til stjórnar Almenna lífeyrissjóðsins en tvö sæti í aðalstjórninni eru að losna. Rafræn kosning fer fram fram dagana 22. til 29. mars en yfir 50 þúsund sjóðfélagar hafa atkvæðisrétt, að því er segir í tilkynningu á vef Almenna.
Að þessu sinni eru laus sæti einnar konu og eins karls í stjórninni en samkvæmt reglum Almenna skal stjórnin skipuð þremur af hvoru kyni. Þriggja ára kjörtímabil Sigríðar Magnúsdóttur og Ólafs H. Jónssonar er að ljúka. Sigríður býður sig fram á ný en Ólafur sækist ekki eftir endurkjöri.
Frambjóðendur í stjórnarkjöri Almenna:
- Aðalbjörn Þórólfsson
- Albert Þór Jónsson
- Guðmundur Fylkisson
- Herdís Pála Pálsdóttir
- Jóhann Sveinn Friðleifsson
- Kristófer Már Maronsson
- Lára Jónasdóttir
- Magnús Davíð Norðdahl
- Oddur Ólason
- Sigríður Magnúsdóttir
- Sólveig Stefánsdóttir
- Valþór Druzin Halldórsson
Eingöngu sjóðfélagar gátu boðið sig fram. Úrslit kosninganna verða kynnt á ársfundi Almenna sem haldinn verður fimmtudaginn 30. mars á Grand Hótel Reykjavík kl. 17:15. Kynningarbréf og nánari upplýsingar má finna á vef Almenna.
Núverandi stjórn Almenna skipa:
- Hulda Rós Rúriksdóttir, stjórnarformaður
- Arna Guðmundsdóttir, varaformaður
- Már Wolfgang Mixa
- Ólafur H. Jónsson
- Sigríður Magnúsdóttir
- Þórarinn Guðnason
