Tölvuþrjótar réðust nýlega til atlögu gegn verslunum North Face, Cartier og Victoria’s Secret og samkvæmt WSJ var upplýsingum viðskiptavina stolið. Árásirnar leiddu til þess að netverslun Victoria’s Secret neyddist til að loka vefsíðu sinni í þrjá daga.
Árásirnar beindust gegn breskum verslunum fyrirtækjanna og voru framdar af hópi sem kallast Svattered Spider.
Meðlimir hópsins þóttust vera starfsmenn sem höfðu verið lokaðir úti af fyrirtækjareikningum sínum og náðu að sannfæra þjónustuver fyrirtækjanna um að endurstilla lykilorð sín.
Í tölvupósti til viðskiptavina sagði Cartier að búið væri að komast yfir nöfn viðskiptavina, netfanga, búsetulanda og fæðingardaga. Tölvuþrjótar náðu hins vegar ekki að komast yfir lykilorð, kredikortaupplýsingar eða aðrar bankaupplýsingar.
