Sæbjörg Eva Hlynsdóttir, stofnandi, verkefnastjóri og höfundur kennsluefnis Tónakistunnar, útskrifaðist úr skapandi tónlistarmiðlun við Listaháskóla Íslands árið 2023. Lokaverkefni hennar á þeim tíma var hugmynd sem myndi síðar meir breytast í Tónakistuna.

Hún segir að hugmyndin hafi fyrst kviknað þegar hún vann á leikskóla árið 2018. Sæbjörg var sjálf starfandi tónlistarkona en átti erfitt með að kenna í tónlistarstund með börnunum og fór þá að hugsa hvort það væri hægt að koma með auðveldari tól fyrir leiðbeinendur.