Hlutabréf Íslandsbanka lækkuðu lítillega í verði í dag í viðskiptum að andvirði um 2,5 milljarða króna. Gengi bréfanna lækkaði um 0,43% og endaði í 117 krónum á hlut.
Heildarvelta með bréf bankans síðustu fimm viðskiptadaga nemur rúmlega 21 milljarði króna.
Veltan jókst verulega um miðja viku þegar fjárfestar fengu afhent bréf í kjölfar útboðs ríkisins fyrr í mánuðinum.
Alls voru skráð 484 viðskipti með bréf bankans í dag, sem endurspeglar mjög virkan markað.
Gengi bréfanna hækkaði örlítið við opnun markaðar, fór yfir 118 krónur, en tók síðan að lækka jafnt og þétt eftir hádegi. Lægsta skráð viðskiptaverð fór niður í 116 krónur, en gengið endaði í 117 krónum við lokun.
| Fjöldi viðskipta |
| 487 |
| 1.359 |
| 768 |
| 155 |
| 63 |
Nokkur stór viðskipti áttu sér stað á reglulegu millibili frá því snemma morguns og fram yfir hádegi.
Við opnun markaða var tilkynnt um utanþingsviðskipti með 180.557 hluti á genginu 117,5 krónur, sem samsvarar viðskiptum að andvirði um 21,2 milljóna króna.
Kl. 09:41 var greint frá viðskiptum með 500.000 hluti á genginu 118 krónur á hlut, sem jafngildir um 59 milljónum króna.
Aðeins þremur mínútum síðar, kl. 09:44, áttu sér stað enn stærri viðskipti þar sem 1.000.000 hluta voru seldir á sama verði, með heildarvirði upp á um 118 milljónir króna. Samtals námu þessi þrjú viðskipti nær 200 milljónum króna.
Mesta hækkun dagsins var hjá sjávarútvegsfyrirtækinu Brim, en hlutabréf þess hækkuðu um 3,23% og stóðu í 64 krónum við lokun.
Gengi Amaroq Minerals hækkaði um 3,06% og lokaði 51,5 krónum. Þá hækkuðu bréf Sjóvár um 1,24%, í 48,8 krónur.
Úrvalsvísitalan lækkaði um 0,33% í dag.
Heildarvelta á aðalmarkaði Kauphallar Íslands nam alls 5,4 milljörðum króna, dreift á 924 viðskipti, og bar dagurinn þess merki að markaðurinn væri bæði djúpur og virkur.
