Það sem af er ári hafa aðeins tvö félög á aðalmarkaði hækkað um meira en 50% á árinu en það eru fasteignafélögin Kaldalón og Heimar.
Gengi Heima leiðir hækkanir á árinu er hlutabréfaverð félagsins hefur hækkað um 60% á árinu. Dagslokagengi Heima var 38,4 krónur eftir um 2% hækkun í 81 milljóna veltu í dag.
Hlutabréfaverð Kaldalóns hefur hækkað um rúm 53% og var dagslokagengi félagsins 26,9 krónur eftir um 1% í dag.
Play leiðir lækkanir
Úrvalsvísitalan OMXI 15 hækkaði um 1,3% í viðskiptum dagsins og hefur gengi vísitölunnar nú hækkað um 17,5% á árinu. Dagslokagengi vísitölunnar var 2.888 stig.
Hlutabréfaverð fasteignafélagsins Eikar hækkaði um tæp 4% í tæplega 90 milljón króna veltu.
Hlutabréf fasteignafélagsins Reita hækkuðu um tæp 3% í 234 milljón króna veltu á meðan gengi Skaga hækkaði um 2%.
Gengi Play fór niður um rúm 3% í örviðskiptum og var dagslokagengi flugfélagsins 0,99 krónur. Hlutabréfaverð Play leiðir jafnframt lækkanir á árinu er gengi félagsins hefur lækkað um rúm 87% frá ársbyrjun.
