Ummæli ársins 2024

Í Áramótum, tímariti Viðskiptablaðsins og Frjálsrar verslunar voru tekin saman nokkur ummæli úr heimi stjórnmála, viðskipta og menningar sem vöktu athygli á árinu sem var að líða og gott er að rifja upp.

Gísli Marteinn í öðru veldi

Sigmundur Davíð Gunnlaugsson, formaður Miðflokksins, gagnrýndi samgöngusáttmála höfuðborgarsvæðisins í hlaðvarpsþættinum Þjóðmál. Davíð Þorláksson, framkvæmdastjóri Betri samgangna, reki „Samfylkingarlínuna í öðru veldi“.

Borgin í samkeppni við verktaka?

Einar Þorsteinsson viðraði á Viðskiptaþingi óánægju sína með verktaka sem honum þótti ekki sína nægilega samfélagslega ábyrgð með því að draga úr nýframkvæmdum á verðbólgutímum. Til að höggva á hnútinn boðaði Einar mögulega stofnun Byggingarfélags Reykjavíkur.

Hvers vegna er Arion banki til?

Benedikt Gíslason, bankastjóri Arion banka, aflétti allri óvissu um hvers vegna bankinn væri til í ávarpi í árs- og sjálfbærniskýrslu bankans. Hann sagði tilganginn fela í sér óbilandi trú bankans á því umhverfi sem hann starfaði í; trú á fólkinu sem byggði þetta land og í raun öllu norðurslóðasvæðinu.

Frítími borgar ekki reikninga

Guðmundur Marteinsson, fyrrverandi framkvæmdastjóri Bónuss, ræddi m.a. um styttingu vinnuvikunnar í viðtali við Viðskiptablaðið. Hann sagði tal um styttingu vinnuvikunnar á skjön við þann raunveruleika sem fólk býr við. Það sé kannski hægt hjá hinu opinbera sem skerði bara þjónustuna á móti styttingunni, en hjá fyrirtækjum á almennum markaði sé það ekki eins auðvelt.

Kaupréttarsamninga handa ríkisstarfsmönnum?

Andrés Jónsson almannatengill lagði orð í belg í umræðuna um bónusgreiðslur til þeirra starfsmanna Skattsins sem standa sig vel í endurálagningunni.

Áravillt Vegagerð

Bergþóra Þorkelsdóttir, forstjóri Vegagerðarinnar, í viðtali við Spursmál er henni var bent á að stálverð hefði þá verið á svipuðum slóðum og árið 2019. Skömmu áður hafði Vegagerðin skýrt stóraukið kostnaðarmat brúar yfir Fossvog m.a. með gríðarlegri hækkun stálverðs vegna stríðsátakanna í Úkraínu.

Blað brotið í sögu Reykjavíkur

Hildur Björnsdóttir, oddviti Sjálfstæðisflokksins í Reykjavík, um ákvörðun meirihlutans í borginni að hafna tillögu Sjálfstæðisflokksins um byggingu mathallar í Mjóddinni.

RÚV selur og selur

Magnús Ragnarsson, þáverandi framkvæmdastjóri miðla hjá Símanum, í frétt Viðskiptablaðsins um áætlaða 17,4% aukningu auglýsingatekna hjá RÚV á árinu 2024. Tekjuaukningin er þvert á markmið þjónustusamnings sem Lilja Alfreðsdóttir menningarmálaráðherra og Stefán Eiríksson undirrituðu snemma á árinu.

Lyftir umræðunni upp á hærra plan

Rithöfundurinn Andri Snær Magnason svaraði færslu Gunnars Úlfarssonar, hagfræðings Viðskiptaráðs, á samfélagsmiðlinum X af sinni alkunnu stillingu. Í færslu sinni, sem skrifuð var vegna hækkunar Lilju Alfreðsdóttur á listamannalaunum, benti Gunnar á að opinber útgjöld til menningarmála væru hvergi hærri í Evrópu en hér á landi.

Þá óvinur hinna?

Páll Gunnar Pálsson, forstjóri Samkeppniseftirlitsins, ræddi samkeppnismál í morgunútvarpi Rásar 2.

Gömul saga og ný

Tryggvi Pálsson, stjórnarformaður Bankasýslu ríkisins, velti fyrir sér í viðtali við Dagmál á mbl.is hvort bankaráð Landsbankans hefði unnið eftir nýju mottói við ákvörðunina að kaupa TM. Fyrir hrun var mottóið hjá ýmsum: „ég á það, ég má það“.

Ekki offramboð af góðu fólki í VG

Guðmundur Ingi Guðbrandsson, þáverandi formaður og núverandi varaformaður Vinstri grænna, að loknum blaðamannafundi þar sem greint var frá að ríkisstjórnarsamstarfinu yrði haldið áfram þrátt fyrir brotthvarf Katrínar Jakobsdóttur. Bjarkey Olsen Gunnarsdóttir kom inn í stjórnina í stað Katrínar.

Endurmenntun dýralæknis

Sigurður Ingi Jóhannsson, formaður Framsóknarflokksins, í viðtali við Morgunblaðið.

Sigrum verðbólguna með ríkisniðurgreiðslum

Sólveig Anna Jónsdóttir, formaður Eflingar, var sigurreif í færslu á Facebook eftir nýjar verðbólgutölur

Bara umbúðir hjá Kristrúnu

Bjarni Benediktsson, formaður Sjálfstæðisflokksins, um „nýja upphafið“ sem Samfylkingin boðar.

Sjálfsmynd framar tekjum

Lilja Alfreðsdóttir fagnaði því að Alþingi hefði samþykkt að fjölga þeim sem geta þegið listamannalaun.

Í ritdeilu við sjálfan sig

Jón Steinar Gunnlaugsson hæstaréttarlögmaður lýsti yfir stuðningi við forsetaframboð Höllu Hrundar Logadóttur en snerist svo hugur þegar honum var bent á að hún væri mótfallin frekari virkjanaáformum.

Þétting bókhalds

Hildur Björnsdóttir, oddviti Sjálfstæðisflokksins í Reykjavík, um umfjöllun Kastljóssins um samninga borgarinnar við olíufélögin um íbúðauppbyggingu á bensínstöðvalóðum.

Vill óhagnaðardrifna lóðasölu

Ragnar Þór Ingólfsson, formaður VR, furðaði sig á því að óhagnaðardrifin leigufélög nytu ekki vildarkjara í lóðakaupum.

Lögmál framboðs og eftirspurnar gilda ekki á Íslandi

Halla Gunnarsdóttir, varaformaður VR, í samtali við Morgunblaðið.

Stefán Ólafsson félagsfræðingur tók þátt í umræðu á Facebook-síðu Gylfa Magnússonar um meinta framúrskarandi sterka fjárhagsstöðu Reykjavíkurborgar.

Skussaverðlaun Nóbels

Kristján Loftsson, framkvæmdastjóri Hvals, var ómyrkur í máli í samtali við Morgunblaðið um vinnubrögð matvælaráðuneytisins sem gáfu Hval örfáa daga til að svara umsögnum við umsókn félagsins um veiðar á langreyði.

Þetta er það sem fjárfestarnir horfa til

Bogi Nils Bogason, forstjóri Icelandair, kjarnaði aðalatriðin í tilkynningu um uppgjör annars fjórðungs.

Dansaðu skattlagði vindur

Fyrirsögn á grein Guðmundar Inga Guðbrandssonar þar sem hann viðraði enn á ný hugmynd Vinstri grænna um að skattleggja íslensku norðanáttina.