Íslenska ríkið og Landsvirkjun undirrituðu í dag samning um lands- og vindorkuréttindi vegna Búrfellslundar, vindorkugarðs við Vaðöldu.
Í fréttatilkynningu á vef stjórnarráðsins segir Bjarni Benediktsson forsætisráðherra það fagnaðarefni að vindorkan verði þriðja stoðin í orkukerfi landsins.
Orkustofnun afgreiddi á mánudaginn virkjunarleyfi fyrir vindorkuverið Búrfellslund við Vaðöldu
Samningurinn veitir Landsvirkjun heimild til að reisa og reka vindorkuver á skilgreindu svæði sunnan Sultartangastíflu innan þjóðlendu.
Íslenska ríkið og Landsvirkjun undirrituðu í dag samning um lands- og vindorkuréttindi vegna Búrfellslundar, vindorkugarðs við Vaðöldu.
Í fréttatilkynningu á vef stjórnarráðsins segir Bjarni Benediktsson forsætisráðherra það fagnaðarefni að vindorkan verði þriðja stoðin í orkukerfi landsins.
Orkustofnun afgreiddi á mánudaginn virkjunarleyfi fyrir vindorkuverið Búrfellslund við Vaðöldu
Samningurinn veitir Landsvirkjun heimild til að reisa og reka vindorkuver á skilgreindu svæði sunnan Sultartangastíflu innan þjóðlendu.
Samkvæmt tilkynningu fær Landsvirkjun í því skyni tímabundinn afnotarétt að lands- og vindorkuréttindum á svæðinu en samningurinn gildir í 35 ár frá því að vindorkuverið hefur rekstur með mögulegri framlengingu einu sinni um 15 ár.
Alþingi samþykkti í vor breytingar á reglugerð um meðferð og nýtingu þjóðlendna, sem byggja á breytingum á þjóðlendulögum.
Með breytingunum er forsætisráðherra veitt heimild til að víkja frá auglýsingaskyldu um ráðstöfun lands og landsréttinda innan þjóðlendna til aðila sem þegar hefur afnotarétt eða annars konar réttindi á sama nýtingarsvæði, enda þjóni slík ráðstöfun markmiðum um sjálfbærni, þjóðhagslega hagkvæmni, orkuöryggi og sé í nánum og eðlislægum tengslum við nýtingu sem fyrir er.
„Íslenska ríkið og Landsvirkjun munu nú hefja viðræður til að ná fram samkomulagi um fjárhæð endurgjalds vegna vindorkuréttinda en þar skal m.a. taka mið af fyrirliggjandi fordæmum dómstóla, gerðardóma og matsnefnda um sambærileg orkunýtingarréttindi í íslenskum rétti. Einnig verður horft til ákvæða um endurgjald slíkra réttinda í öðrum samningum milli ríkisins og Landsvirkjunar,“ segir á vef stjórnarráðsins.
Búrfellslundur var færður í nýtingarflokk rammaáætlunar í júní 2022 en Landsvirkjun hóf undirbúning verkefnisins árið 2010. Gert er ráð fyrir að allt að 30 vindmyllur verði reistar í vindorkugarðinum og að uppsett afl verði um 120 MW.
