Vinirnir Patrekur Veiga Vigfússon, Valur Kári Eiðsson og Barri Guðmundsson stofnuðu gluggaþvottafyrirtækið Hreini Glugginn í vor. Þeir segjast ekki hafa verið með nein áform fyrir sumarið í ár en vildu þó allir vinna saman.

Félagarnir eru á aldrinum 17 til 18 ára og eru í námi í MS og Verzló. Þeir hafa þó verið góðir vinir frá unga aldri og segjast hafa viljað fylla í skarð á markaðnum með því að bjóða upp á vandaða gluggahreinsun á sanngjörnu verði fyrir alla.