Úrvalsvísitalan OMXI15 hækkaði um 1,97% í viðskiptum dagsins eftir þó nokkuð langt lækkunarferli síðustu vikur. Vísitalan hefur lækkað um 7,2% síðastliðinn mánuð en hún fór yfir 3000 stig í byrjun febrúar. Vísitalan lokaði í 2.747,38 stigum eftir hækkun dagsins.
Gengi flugfélagsins Play fór upp um tæp 6% í örviðskiptum. Dagslokagengi Play var 0,72 krónur á hlut en gengi flugfélagsins hefur lækkað um 28% það sem af er ári.
Gengi Icelandair hækkaði einnig um 6% í um 316 milljóna viðskiptum í dag. Dagslokagengi Icelandair var 1,17 krónur en gengi flugfélagsins hefur lækkað um 20% það sem af er ári.
Gengi flugfélagsins Play fór upp um tæp 6% í örviðskiptum. Dagslokagengi Play var 0,72 krónur á hlut en gengi flugfélagsins hefur lækkað um 28% það sem af er ári.
Hlutabréfaverð Festi hækkaði um 3,5% í 169 milljón króna viðskiptum og var dagslokagengi félagsins 296 krónur á hlut.
Hlutabréf í Högum hækkuðu um 3% í 174 milljón króna viðskiptum og var daglokagengið 103 krónur á hlut.
Gengi Oculis hækkaði um rúm 3% í 347 milljón króna viðskiptum. Hlutabréf í Alvotech hækkuðu um 3% í tæplega 200 milljón króna viðskiptum.
Heildarvelta á markaði var 4,7 milljarðar.
