Alex Kroes, framkvæmdastjóri hollenska knattspyrnufélagsins Ajax, hefur verið tímabundið vikið úr störfum á meðan félagið rannsakar möguleg innherjaviðskipti með bréf Ajax.
Í tilkynningu frá Ajax segir að brottvísun Kroes hafi nú þegar tekið gildi og félagið hyggst rifta ráðningasamningi von bráðar.
Alex Kroes, framkvæmdastjóri hollenska knattspyrnufélagsins Ajax, hefur verið tímabundið vikið úr störfum á meðan félagið rannsakar möguleg innherjaviðskipti með bréf Ajax.
Í tilkynningu frá Ajax segir að brottvísun Kroes hafi nú þegar tekið gildi og félagið hyggst rifta ráðningasamningi von bráðar.
Samkvæmt ESPNkomst Ajax að því að Kroes hefði keypt 17 þúsund hluti í Ajax viku áður en knattspyrnufélagið tilkynnti opinberlega um ráðningu hans í ágúst 2023.
Ajax hefur leitað sér lögfræðiráðgjafar vegna viðskiptanna og segir félagið í tilkynningu að Kroes hafi „líklegast verið að stunda innherjasvik.“
Kroes tók við stöðunni 15. mars en hann kom til félagsins frá AZ Alkmaar en stjórnin réð hann í ágúst 2023. Samkvæmt samningi Kroes við AZ Alkmaar mátti hann ekki hefja störf hjá samkeppnisaðila meira en tæpu ári frá starfslokum.
Fyrrum markmaðurinn Edwin van der Sar, sem var áður framkvæmdastjóri Ajax, lagði til við stjórn félagsins að Kroes yrði ráðinn sem eftirmaður hans í maí 2023.
Ajax segir í tilkynningu að hegðun Kroes sé ekki í samræmi við þau gildi sem félagið stendur fyrir og harmar félagið hegðun hans.
Knattspyrnufélagið Ajax er skráð í Kauphöllina í Amsterdam í Hollandi og stendur gengið í 10,25 evrum þegar þetta er skrifað.