Sérfræðingar óttast að skuldabréfamarkaðurinn með ruslbréf sé orðinn „værukær“ eftir að ávöxtunarkrafa þeirra hefur hríðlækkað á síðustu mánuðum þrátt fyrir að almennt vaxtastig sé enn nokkuð hátt.
Áhættuálag á slík bréf hefur lækkað um heilt prósentustig, úr 4,5% í 3,5%, síðan í byrjun nóvember.
Samkvæmt Financial Times er enn hætta á að það hægist á efnahagsumsvifum vestanhafs sem gæti gert mörgum útgefendum ruslbréfa erfitt fyrir og aukið þar með vanskil.
Undir lok nýliðins árs, eftir að Jerome Powell seðlabankastjóri tilkynnti líklegar vaxtalækkanir á nýju ári, lækkaði fjármögnunarkostnaður fyrirtækja verulega.
Sérfræðingar óttast að skuldabréfamarkaðurinn með ruslbréf sé orðinn „værukær“ eftir að ávöxtunarkrafa þeirra hefur hríðlækkað á síðustu mánuðum þrátt fyrir að almennt vaxtastig sé enn nokkuð hátt.
Áhættuálag á slík bréf hefur lækkað um heilt prósentustig, úr 4,5% í 3,5%, síðan í byrjun nóvember.
Samkvæmt Financial Times er enn hætta á að það hægist á efnahagsumsvifum vestanhafs sem gæti gert mörgum útgefendum ruslbréfa erfitt fyrir og aukið þar með vanskil.
Undir lok nýliðins árs, eftir að Jerome Powell seðlabankastjóri tilkynnti líklegar vaxtalækkanir á nýju ári, lækkaði fjármögnunarkostnaður fyrirtækja verulega.
Þrátt fyrir að ávöxtunarkrafa skuldabréfa hafi hækkað örlítið í byrjun árs er meðalkrafa á bandarísk ruslbréf nú í kringum 8% en hún var 9,4% í nóvember samkvæmt gögnum Bank of America.
Sumir greiningar- og markaðsaðilar eru nú farnir að hafa áhyggjur af því að markaðurinn sé orðinn of bjartsýnn á framhaldið.
Þrátt fyrir lækkunina frá í nóvember er fjármögnunarkostnaður fyrirtækja enn mun hærri í dag en síðustu ár, og möguleg niðursveifla sem höggva myndi í tekjur og hagnað svífur yfir vötnum.
Þeir sem vara við stöðunni telja ávöxtunarkröfu ruslbréfa því ekki í samræmi við þá áhættu sem í þeim felist.
„Markaðurinn er að láta eins og vextir séu í núlli en svo er ekki,“ segir Torsten Slok, aðalhagfræðingur fjárfestingafélagsins Apollo, í samtali við FT.
„Ég held að markaðurinn sé orðinn svolítið værukær,“ segir Kevin Loome, sjóðsstjóri hjá T Rowe Price. Svo virðist sem mörgum fjárfestum þyki áðurnefnd 8% ávöxtunarkrafa ruslbréfa um þessar mundir enn nokkuð aðlaðandi.
Fjármögnunarkostnaður fyrirtækja tók að lækka þegar fjárfestar urðu sannfærðir um að vaxtahækkunarferli seðlabankans væri lokið eftir að stýrivextir bankans fóru úr næstum núlli í 5,25 til 5,5% til að ná verðbólgunni niður.
Er Powell tilkynnti væntar vaxtalækkanir í desember byrjuðu fjárfestar að færa sig yfir í áhættusamari fjárfestingar sem og bandarísk skuldabréf.
Samkvæmt könnun alþjóðlegra samtaka sjóðstjóra á skuldabréfamörkuðum sem birtist í gær hafi sæluvíman á markaði síðustu tvo mánuði ársins verið meiri en innistæða hafi verið fyrir, en flestir stærstu bankar og vogunarsjóðir heims eru meðlimir í samtökunum.
Í könnunni kemur fram að þrátt fyrir að lánskjör fari nú loks batnandi sé baráttunni við verðbólguna alls ekki lokið.