Stefán Ragnar Guðjónsson, fyrrum framkvæmdastjóri verslunarsviðs Samkaupa, mun opna Partyland-verslun í Holtagörðum 17. nóvember næstkomandi. Partyland er alþjóðleg keðja verslana sem sérhæfir sig í vörum fyrir veisluhald og verður dóttir hans Kamilla Birta verslunarstjóri.

Verslunin verður rúmlega 500 fermetrar að stærð og verður hún því stærsta Partyland-verslun í Evrópu. Vörunúmerin verða á bilinu 6-8 þúsund talsins og verður hvert og eitt tilefni hólfaskipt í búðinni.

Stefán segir að hugmyndin hafi sprottið upp þegar hann hætti hjá Samkaupum í fyrra eftir að hafa unnið þar í 26 ár. Hann fór þá að horfa í ýmsar áttir og þessi hugmynd datt inn á borð hjá honum.