Veritas velti 36 milljörðum

Veritas hagnaðist um rúmlega 1,4 milljarða króna í fyrra, samanborið við tæplega 1,4 milljarða hagnað árið 2023. Velta samstæðunnar, sem inniheldur m.a. Vistor, Distica og Artasan, nam 35,9 milljörðum og jókst um 4,9% milli ára.

Móðurfélag Veritas er Guðrúnarborg en félagið leggur til að 700 milljónir verði greiddar í arð til hluthafa. Stærsti hluthafi Guðrúnarborgar var í árslok Hreggviður Jónsson og fjölskylda í gegnum félagið Stormtré, sem fer í dag með 92,1% hlut. Trausttak ehf., félag í eigu Gunnars Þórs Benjamínssonar og Jóhönnu Linnet, fer með 5,9% hlut.

Stjánkur ehf., félag í meirihlutaeigu Hrundar Rudolfsdóttur, fyrrverandi forstjóra Veritas, og Kristjáns Óskarssonar, fór með 4% hlut í árslok 2023 en var ekki í hluthafahópnum um síðustu áramót. RE22 ehf., félag í eigu Jóns Björnssonar, forstjóra Veritas, kemur inn sem nýr hluthafi með 2% hlut.

Fréttin birtist fyrst í Viðskiptablaðinu.