Skráning nýrra fólksbíla í júní dróst saman í júní dróst saman um 37,5% frá sama mánuði í fyrra. Alls voru skráðir 1.599 nýir fólksbílar nú í júní en voru 2.559 í sama mánuði í fyrra. Þetta kemur fram í tilkynningu Bílgreinasambandsins.
Á fyrstu sex mánuðum ársins voru 6.355 nýir fólksbílar skráðir, samanborið við 10.266 nýja fólksbíla á sama tímabili í fyrra. Það samsvarar 38,1% samdrætti.
Skráning nýrra fólksbíla í júní dróst saman í júní dróst saman um 37,5% frá sama mánuði í fyrra. Alls voru skráðir 1.599 nýir fólksbílar nú í júní en voru 2.559 í sama mánuði í fyrra. Þetta kemur fram í tilkynningu Bílgreinasambandsins.
Á fyrstu sex mánuðum ársins voru 6.355 nýir fólksbílar skráðir, samanborið við 10.266 nýja fólksbíla á sama tímabili í fyrra. Það samsvarar 38,1% samdrætti.
Mesti samdrátturinn í nýskráningum það sem af er ári er hjá almennum fyrirtækjum og einstaklingum, eða 58,1% og 49,5% hvort um sig. Í tilviki ökutækjaleiga nemur samdrátturinn í nýskráningum á fyrri árshelmingi 28,8%.
Umtalsverður samdráttur í nýskráningum rafbíla
Séu nýskráningar fólksbíla flokkaðar eftir orkugjafa þá voru bensínbílar algengastir í júní en þeir vógu um 27,5% af heildinni. Fram kemur að mikil aukning hafi verið á skráningum bensínbíla en þeim fjölgaði um 42,5% milli júní í ár og í fyrra.
Hybrid-bílar voru næst algengastir eða um 24,0% af skráningum í júní í ár. Þar á eftir koma svo skráningar á dísel sem var 18,1% í júní. Tengiltvinnbílar voru 17,1% af skráningum fólksbíla í mánuðinum.
„Fæstar skráningar voru skráðir rafbílar eða 13,3% af þeim 1.599 fólksbílum sem skráðir voru í mánuðinum og samdráttur þeirra milli júní í ár og júní í fyrra 76,4%.“
Í júní var mest skráða tegundin KIA með 321 skráða fólksbíla eða 20,1% af skráðum fólksbílum, þar á eftir kemur Hyundai með 263 skráða fólksbíla og 16,4% af skráðum fólksbílum. Þriðja mest skráða tegundin í júní var Toyota með 216 fólksbíla og 13,5% hlutdeild.
