Hlutabréfaverð Nvidia hækkaði í viðskiptum gærdagsins eftir um 16% lækkun síðustu þrjá viðskiptadaga.
Gengi örflöguframleiðandans hækkaði um 7% í gær og ýtti þar með hlutabréfavísitölum vestanhafs upp á við. Nasdaq vísitalan hækkaði um 1,3% á meðan S&P 500 hækkaði um 0,4%.
Dow Jones vísitalan lækkaði um 0,8% en Nvidia er ekki hluti af Dow Jones.
Markaðsvirði Nvidia lækkaði um ríflega 550 milljarða dali á þremur dögum eftir að örflöguframleiðandinn varð um skamma stund verðmætasta félag heims í síðustu viku.
Lækkunin kom í kjölfar þess að tilkynnt var um að forstjóri og meðstofnandi Nvidia, Jensen Huang, hefði nýlega selt hlutabréf í félaginu fyrir 95 milljónir dala, eða um 13 milljarða króna.
Salan var hluti af söluáætlun Huang (e. 10,5-1 sale plan) sem var samþykkt í mars.