Viðsnúningur hjá Norðuráli

Norðurál Grundartanga hagnaðist um 17,5 milljónir dala í fyrra, eða sem nemur ríflega 2,4 milljörðum króna. Árið 2023 var 42,1 milljóna dala tap af rekstrinum, sem nemur um 5,8 milljörðum króna.

Tekjur lækkuðu um 4% milli ára og framleiðsla dróst saman vegna aukins umfangs orkuskorts.

Á árinu 2024 gerði félagið upp alla framvirka samninga sem teknir voru í tengslum við byggingu á nýjum boltasteypuskála, þar sem framleiðsla hófst á öðrum ársfjórðungi 2024.

Fréttin birtist fyrst í Viðskiptablaðinu, sem kom út sl. miðvikudag.