Samkvæmt Kauphallartilkynningu frá Eimskip hefur Samskip ákveðið að kæra úrskurð héraðsdóms Reykjavíkur um að vísa frá stefnu félagsins gegn stjórnarformanni og forstjóra Eimskips.
Í úrskurði Héraðsdóms var talið ekki tímabært að taka málið fyrir að svo stöddu ásamt því að dómurinn sagði tjón Samskipa vanfreifað í stefnu.
Samskip stefndi Eimskip til viðurkenningar á bótaskyldu án fjárhæðar vegna meintra ólögmætra og saknæmra athafna í tengslum við sátt sem Eimskip gerði við Samkeppniseftirlitið árið 2021.
Samskip stefndi síðan forsvarsmönnum Eimskips m.a. fyrir rangar sakagiftir er þeir gerðu sátt við Samkeppniseftirlitið árið 2021 og viðurkenndu að hafa átt í meintu samráði við Samskip.
Eimskip greiddi 1,5 milljarða króna stjórnvaldssekt en Samkeppniseftirlitið sektaði Samskip um 4,2 milljarða í kjölfarið sem er hæsta stjórnvaldssekt Íslandssögunnar.
Kærunefnd áfrýjunarnefndar féllst á það í janúar að fresta réttaráhrifum sektarinnar á Samskip á meðan málið er til meðferðar.
