Kvikmyndaframleiðslufyrirtækið Village Roadshow Entertainment Group hefur sótt um gjaldþrotavernd í Bandaríkjunum samkvæmt dómstóli í Delaware-ríki. Fyrirtækið segir lagadeilu við Warner Bros og misheppnuð verkefni hafa leitt til fjárhagserfiðleika.
Village Roadshow hefur framleitt kvikmyndir á borð við The Matrix, The Joker og Ocean‘s-seríurnar.
Framleiðslufyrirtækið hefur lagt til að selja kvikmyndasafn sitt fyrir 365 milljónir dala en skuldir félagsins eru taldar vera á bilinu 500 milljónir til eins milljarðs dala. Ofan á það stóð það frammi fyrir kostnaðarsömu verkefni árið 2018 sem skilaði engum hagnaði.
Verkfallsaðgerðir leikara og rithöfunda í Hollywood í maí 2023 höfðu einnig áhrif á félagið og í desember bannaði Writers Guild of America meðlimum sínum að vinna með Village Roadshow vegna meintrar vanrækslu þess á greiðslum.
