Vöxtur hjá LS Retail

LS Retail hagnaðist um 4,5 milljónir evra, eða 638 milljónir króna, á síðasta rekstrarári, frá 1. október 2021 til 30. september 2022. Félagið hafði þar áður hagnast um 7,3 milljónir evra á fyrstu níu mánuðum ársins 2021.

Rekstrartekjur fyrirtækisins námu rúmlega 65 milljónum evra og jukust um 59% frá fyrstu níu mánuðum ársins 2021 þegar þær námu 41 milljónum evra. Rekstrargjöld jukust sömuleiðis um 62%.

Kaup bandaríska fyrirtækisins Aptos á LS Retail gengu í gegn í febrúar 2021 og hefur félagið starfað sjálfstætt innan samstæðu Aptos síðan þá.

Mikil fjölgun starfsmanna hefur orðið hjá LS Retail, en að meðaltali störfuðu 271 starfsmenn hjá félaginu í fyrra samanborið við 247 starfsmenn árið áður og 212 starfsmenn árið 2020.