Skiptum á þrotabúi Héðins veitinga ehf. er lokið og námu lýstar kröfur í búið um 105,5 milljónir króna.
Samkvæmt Lögbirtingablaðinu greiddust 350 þúsund króna búskröfur að fullu og fengust 3,2 milljónir upp í forgangskröfur eða um 8,17% af samþykktum forgangskröfum.
Héðinn veitingar ehf. hélt utan um reksturinn á Héðinn Kitchen & Bar að Seljavegi 2 en félagið var úrskurðað gjaldþrota af Héraðsdómi Reykjavíkur í ársbyrjun 2023.
Skiptum á þrotabúi Héðins veitinga ehf. er lokið og námu lýstar kröfur í búið um 105,5 milljónir króna.
Samkvæmt Lögbirtingablaðinu greiddust 350 þúsund króna búskröfur að fullu og fengust 3,2 milljónir upp í forgangskröfur eða um 8,17% af samþykktum forgangskröfum.
Héðinn veitingar ehf. hélt utan um reksturinn á Héðinn Kitchen & Bar að Seljavegi 2 en félagið var úrskurðað gjaldþrota af Héraðsdómi Reykjavíkur í ársbyrjun 2023.
Skráður eigandi var Karl Viggó Vigfússon en hann stofnaði staðinn með æskuvini sínum Elíasi Guðmundssyni árið 2021.
Í samtali viðmbl.is, skömmu eftir úrskurð héraðsdóms í fyrra, sagði Viggó að nýtt félag væri komið á bak við veitingareksturinn og staðurinn myndi halda áfram rekstri í óbreyttri mynd.
Líkt og fjöldi annarra veitingastaða fór heimsfaraldur Covid-19 illa með reksturinn en í kjölfarið fylgdu verðhækkanir allra aðfanga auk hækkandi launakostnaðar.
Félagið LEV102 ehf., sem tók við rekstri Héðins Kitchen & Bar, var síðan úrskurðað gjaldþrota hjá Héraðsdómi Reykjavíkur þann 10. janúar í ár.
Þungur róður veitingamanna
Elías Guðmundsson, var eigandi LEV102, sagði í samtali við mbl.is að helstu útskýringar fyrir gjaldþrotinu væru launakostnaður, hækkandi verð á aðföngum og erfitt rekstrarumhverfi til að standa í veitingarekstri.
Aðalgeir Ásvaldsson, framkvæmdastjóri Samtaka fyrirtækja á veitingamarkaði (SVEIT), segir að fleiri veitingahús hafi orðið gjaldþrota á síðasta ári en á tímum kórónuveirufaraldursins.
„Við höfum þungar áhyggjur af gjaldþrotum í greininni og róðurinn er orðinn mjög þungur,“ sagði Aðalgeir í samtali við mbl.is
