Arnaldur Jón Gunnarsson, lögmaður hjá Kaupþingi, var launahæstur lögmanna í fyrra en hefur nú verið launahæsti lögmaður landsins þrivsvar sinnum á síðustu fjórum árum. Arnaldur var með 9,3 milljónir í laun á mánuði á árinu 2023. Slitum á Kaupþingi lauk um mitt árið í fyrra.
Jóhannes Rúnar Jóhannsson héraðsdómari, sem starfaði um árabil í bæði skilanefnd og slitastjórn Kaupþings, var launahæsti lögfræðingurinn árið 2022 og velti Arnaldi úr sessi eftir nokkur ár á toppnum.
Kollegi Arnalds hjá Kaupþingi, Þröstur Ríkharðsson, var næst launahæstur í fyrra en hann var með 8 milljónir króna á mánuði í laun.
Þorgeir Örlygsson, fyrrverandi hæstaréttardómari, var þriðji launahæsti lögmaður landsins en hann var með næstum tvöfalt lægri mánaðarlaun en Arnaldur.
Alls voru um 80 lögmenn og lögfræðingar í Tekjublaðinu með yfir 2 milljónir í mánaðarlaun.
Hægt er að kaupa Tekjublaðið hér. Að auki er blaðið til sölu í öllum helstu verslunum landsins.
Vegna útgáfu Tekjublaðsins er nauðsynlegt að árétta að um er að ræða útsvarsskyldar tekjur á árinu 2023 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og önnur aukastörf og hlunnindi vegna kaupréttarsamninga. Miðað er við útsvarsstofn samkvæmt álagningarskrá. Í tölunum eru ekki fjármagnstekjur, t.d. af vöxtum, arði eða sölu hlutabréfa. Hafa verður í huga að inni í tekjum getur verið einskiptisgreiðsla vegna úttektar á séreignasparnaði hjá lífeyrissjóði.
