Söngkonan Sigríður M. Beinteinsdóttir, eða Sigga Beinteins, var með 1,9 milljónir í laun á mánuði og er þar með tekjuhæsti tónlistarmaður landsins samkvæmt Tekjublaði Frjálsrar verslunar.
Tekjublað Frjálsrar verslunar fór í sölu í öllum helstu verslunum landsins í vikunni og meðal tónlistarmanna má einnig finna nöfn eins og Helgi Björns, sem var með 1,1 milljón í laun og Herra Hnetusmjör, sem var með 976 þúsund á mánuði.
Steinunn Birna Ragnarsdóttir, óperustjóri Íslensku óperunnar, var í öðru sæti á listanum yfir tekjuhæsta tónlistarfólkið en hún var með tæpar 1,6 milljónir í laun. Þar á eftir kemur þekktur jazzleikari sem er jafnframt skólastjóri við Tónlistarskóla Árbæjar.
Hægt er að kaupa Tekjublaðið hér. Að auki verður blaðið til sölu í öllum helstu verslunum landsins.
Vegna útgáfu Tekjublaðsins er nauðsynlegt að árétta að um er að ræða útsvarsskyldar tekjur á árinu 2023 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og önnur aukastörf og hlunnindi vegna kaupréttarsamninga. Miðað er við útsvarsstofn samkvæmt álagningarskrá. Í tölunum eru ekki fjármagnstekjur, t.d. af vöxtum, arði eða sölu hlutabréfa. Hafa verður í huga að inni í tekjum getur verið einskiptisgreiðsla vegna úttektar á séreignasparnaði hjá lífeyrissjóði.
