María Fjóla Harðardóttir, forstjóri Hrafnistu, var tekjuhæsti hjúkrunarfræðingur landsins í fyrra, samkvæmt Tekjublaði Frjálsrar verslunar. María var með 3,09 milljónir króna í mánaðarlaun.
Ólafur Guðbjörn Skúlason, framkvæmdastjóri hjúkrunar á Landspítalanum, var næst tekjuhæsti hjúkrunarfræðingur með 2,4 milljónir á mánuði.
Þar á eftir kom Karl Óttar Einarsson, forstjóri Grundar með 2,3 milljónir á mánði.
Alls voru yfir 100 hjúkrunarfræðingar með yfir milljón á mánuði í Tekjublaðinu í ár.
Hægt er að kaupa Tekjublaðið hér. Að auki er blaðið til sölu í öllum helstu verslunum landsins.
Vegna útgáfu Tekjublaðsins er nauðsynlegt að árétta að um er að ræða útsvarsskyldar tekjur á árinu 2024 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og önnur aukastörf og hlunnindum vegna kaupréttarsamninga. Miðað er við útsvarsstofn samkvæmt álagningarskrá. Í tölunum eru ekki fjármagnstekjur, t.d. af vöxtum, arði eða sölu hlutabréfa. Hafa verður í huga að inni í tekjum getur verið einskiptisgreiðsla vegna úttektar á séreignasparnaði hjá lífeyrissjóði.
