Hrafnarnir drukku Moggann sinn og lásu kaffið sitt í morgun eins og aðra virka daga. Þar rákust þeir á áhugaverða umfjöllun blaðsins um umsögn BHM um fjármálaáætlun ríkisstjórnarinnar fyrir árin 2025-2030.
Athugasemdir BHM eru efnislega þessar:
Það er útilokað að sjá hvernig eigi að vera hægt að hagræða í rekstri hins opinbera og draga úr útgjöldum.
Í ljósi þessa er nauðsynlegt að hækka skatta hressilega en þó alls ekki skatta þeirra sem eru í BHM.
Nauðsynlegt er að afskrifa námslán félagsmanna BHM enda blasir við að svigrúmið til þess verður töluvert þegar búið verður að hækka skattana á alla hina.
Hrafnarnir óska viðsemjendum BHM svo velfarnaðar í kjaraviðræðum á opinberum markaði.
Huginn og Muninn er einn af föstum ritstjórnardálkum Viðskiptablaðsins.
