Eigendaskipti á fyrirtækjum eru meðal afdrifamestu atburða í lífi fyrirtækis og hluthafa þess. Seljendur kunna að hafa lagt ævi sína í að byggja upp fyrirtækið og þurfa að sleppa taki á ævistarfi sínu gegn greiðslu kaupverðs. Kaupanda er á sama tíma nauðsynlegt að tryggja að fjármagni sé sem best varið við kaup á hlutafénu og að kaupverðið sé í samræmi við þau verðmæti sem reksturinn getur fært kaupandanum til framtíðar.